झलारीका उदयमान नेता सिंह, क्षेत्रिय सभापतिका शशक्त दाबेदार

५ मङ्सिर, २०७८

नेपाली काँग्रेसको आशन्न १४ औ महाधिवेशनमा कञ्चनपुर जिल्ला निर्वाचन क्षेत्र नम्बर २ को क्षेत्रीय सभापतिमा लाल बहादुर सिंह क्षेत्रिय सभापतिका शशक्त दाबेदार देखिएका छन् । पुर्व मन्त्रि एनपि साउदको समर्थन रहेका सिंहको जित करिव निश्चित जस्तै भएको छ । कञ्चनपुर जिल्लामा मङ्सिर ३ गते भएको क्षेत्रिय अधिवेशनमा कञ्चनपुर प्रदेश १ र २ मा एनपि साउदको प्यानलवाट निर्वाचनमा सहभागी उमेद्ववार नै भारि मतले विजयी भए सँगै नेता सिंहको कार्यकर्ता बिच क्षेत्रीय सभापतिमा पनि सिंहले नै विजयी हुने चर्चा सुरु भएको छ ।

मङ्सिर ६ गते नेपाली काँग्रेस कञ्चनपुर जिल्ला निर्वाचन क्षेत्र नम्बर २ को क्षेत्रीय अधिवेशन हुदैछ । नेता सिंह कञ्चनपुर काँग्रेसमा भिजेका नेताको रूपमा कार्यकर्तामाझ परिचित छन् ।वि।स। २०४६ सालदेखि सक्रिय राजनीतिमा लागेका शुक्लाफाँटा नगरपालिका ९ सिसैयाका लालबहादुर सिंह २०४९ सालमा साविकको झलारी गाउँ विकास समिति वडा नम्बर ५ का वडाध्यक्ष भएका थिए । उनी २०५४ मा स्थानीय निर्वाचनमा पार्टीको उपाध्यक्षको उम्मेदवारका प्रवल दावेदार रहे पनि पार्टीको आन्तरिक विवादका कारण बञ्चित भए । पछि पनि सिंह कांग्रेसको संगठनमा सक्रिय रही १० औं महाधिवेशनमा क्षेत्रिय प्रतिनिधिका रूपमा सर्वसम्मत क्षेत्रिय प्रतिनिधिमा आई १२ औं महाधिवेशनमा निर्वाचन प्रक्रियाबाट प्रतिनिधि भई क्षेत्र नम्बर २ को क्षेत्रिय सभापतिको उमेदवार रहेका थिए ।

यस्तै सिंह १३ औं महाधिवेशनमा महाधिवेशन प्रतिनिधि हुँदै महासमिति सदस्य बनेका थिए । अहिले आसन्न १४ औं महाधिवेशनमा सर्वसम्मत रूपमा क्षेत्रिय प्रतिनिधि छनौट भई क्षेत्र नम्बर २ को क्षेत्रिय सभापतिका दावेदारका रूपमा रहेका छन् । पार्टिका विभिन्न जिम्मेवारीमा रहेर काम गरेका सिंह कांग्रेस राजनीतिका साथै समाजसेवामा बढी सक्रिय रहेका छन् । खारिएको, अनुभव भएका नेता मानिन्छन्,उनी युवा माझ अतिनै लोकप्रिय छन् । लोकतन्त्रमा विश्वास र जनताको सेवामा प्रतिबद्ध भएकै कारण उनी सशक्त रहेको कार्यकर्ताको बुझाइ छ। सिंहले आफू चारतारे झण्डा र नेपाली काग्रेसको रुखको सभापतिको उम्मेदवार रहेको दाबी गरेका छन्।